مفاجأة ... بشرى سارة للاخوة المدخنين.. بقلم /د. كرم الراوى .... مجلة تغريدات النوارس

مفاجأة ....(بشرى سارة للاخوة المدخنين)

ازاى اقلل من التأثيرات الضارة والمسرطنة للتدخين باستخدام حاجات بسيطة موجودة فى الطبيعة وغير مكلفة......

بس قبل ما اتطرق لتلك المفاجأة .....تعالو نفهم القصة من أولها باسلوب سهل وبسيط وشيق ....علشان نقدر نستوعب المفاجأة

مشكلة الدخان فى انه بيحتوى على كميات كبيرة من المواد المؤكسدة والشاردة والتى تتسبب فى الاصابة بالسرطان ....خصوصا سرطان الرئة...

طيب يعنى ايه مواد شاردة ومواد مؤكسدة ؟؟؟

المواد المؤكسدة هى مواد او عناصر او ذرات فقدت اليكترونات ....مخلياها غير مستقرة وعاملة زى الثور الهائج ...ما عندهاش رحمة ابدا ...عايزة تعوض الاليكترونات المفقودة منها بأى شكل علشان تقدر تهدى وتستقر ...ف تعمل ايه؟؟؟.....ما فيش قدامها غير غشاء الخلية اللى هيعوضها عن اى حاجة فقدتها.....طيب اشمعنى غشاء الخلية يعنى؟....لان غشاء الخلية بيدخل فى تركيبه احماض دهنية غير مشبعة ..يعنى بيحتوى على روابط غير مشبعة سهلة الكسر ....ودى فرصه حلوة ليها....فتلاقى المواد المؤكسدة تقعد تنهش فى غشاء الخلية بلا رحمة ولا شفقة وفى النهاية تكسر الروابط اللى فى غشاء الخلية وتسرق منها الاليكترونات اللى هى عايزاها وتجرى بعيد.....وسايبة وراها الضحية المسكينة بعد ما اغتصبتها واخدت منها اللى هى عايزاه ...فبتفقدها وظيفتها وتشوه شكلها ......مش كدة وبس ....دى ممكن تسلبها اعز ما تملك ....وبتبوظلها الDNA.....الدى ان ايه .....اللى هو بيتحكم فى انقسام الخلية....فتلاقى الخلية عاملة زى الحنفية اللى جلبتها باظت.....عمالة تنقسم بشكل عشوائى ....علشان الد ان ايه بتاعها باظ ....ومن هنا بينشأ الورم السرطانى .....فهمتو يا حضرات الاورام بتيجى ازاى .....

طيب ايه هى المفاجأة ؟؟؟؟؟

المفاجأة هنا لاحظتها من خلال دراسة مضادات الأكسدة ....وبرضه من خلال فهمى ودراستى لطبيعة المواد المؤكسدة بشكل مفصل......ودا كان موضوع بحث انا اشتغلت عليه شخصيا

طبعا ربنا خلق لينا جوه جسمنا انزيمات بتحمينا من تأثير المواد المؤكسدة زى الجلوتاثيون وانزيم الكتاليز والسوبر اكسيد دسميوتيز....الخ

وفى نفس الوقت خلق لينا فى الطبيعة حاجات ليها تأثير سحرى يفوق الخيال فى مكافحة المواد المؤكسدة والحد من الاصابة بالسرطان ......عارفين ايه هو ؟؟؟؟؟

هم مجموعة حاجات كتير ....هاتكلم عن واحد منهم ..

حمض الاسكوربيك ....او فيتامين C......الموجود فى عصير الليمون و معظم الفواكه الحمضيةوالخضروات ..

طيب عارفين ايه هو السر الخطير الموجود فى عصير الليمون واللى بيخليه يحارب المواد المؤكسدة بشكل يفوق الوصف والخيال.......الاجابة هى .....ان فيتامين C من المواد التى لديها قدرة اختزالية عالية جدا.....يعنى ايه ....يعنى الفيتامين ده معاه اليكترونات كتيرة جدا ....ف أول ما يدخل الجسم يبدأ يدى اليكترونات للمواد المؤكسدة والمسببة للسرطان علشان يسكتها ......وبالتالى هتتحول تلك المواد من مواد شاردة ومسرطنة ....الى مواد متعادلة ومستقرة وغير ضارة على الاطلاق .......مش كدة وبس ....دا فيتامين C ده بيعيد اصلاح الخلية اللى حصل لها تلف نتيجة التاثير المدمر لتلك المواد المؤكسدة وبيرجع الخلية الى حالتها الاصلية .....علشان كدة بتلاقى دايما كريمات الوجه اللى بتتباع فى الصيدليات لازم تحتوى على فيتامين C.....علشان فيتامين C ليه قدرة سحرية عجيبة فى اصلاح الخلايا .....وبيعيد البشرة الى نضارتها وجمالها...

علشان كدة .....أى حد مدخن يجب عليه تناول كوبين أو أكثر من عصير الليمون يوميا .....لان عصير الليمون يحتوى عل فيتامين C ذو التأثير الخارق للعادة فى محاربة وابطال مفعول المواد المؤكسدة الموجودة فى ادخنة السجائر والمسببة للسرطان .....وايضا قدرة فيتامين C فى اعادة واصلاح الخلايا التالفة واعادتها الى وضعها الطبيعى بشكل يدعو الى الدهشة والعجب

وبالتالى الحد من حدوث السرطان بشكل مزهل